Kes hawuré mı niyo, ez çıra bervenu
Ma ez boyna ve derdé çınayi, nalenu
Çınayi dımerau, ero çınayi cérenu
Çıra mı ré beno zıqqım, çıke ez wenu
Nıka ez sıma ra vaji, çıka rasta ma
Eve qeraré sariya, ağun u hesta ma
Çı wext ra, kami ra, se ama resta ma
Yé sario vizéré ma, sebena mesta ma
Ma yé mayéma ki, de no sené qedero
Kam ke, ma ra wayiré kario, hosero
Text ra duriyo, heté qesa ra péysero
Ağa ki; jüyo ke, bıné baré sari dero
Jüyo ke; ma ra na halé ma fam bıkero
Qomi tenéna heté tiji u roşti ser bero
O ki, destuné saré bıné bari verdero
Mezal cı nédané, bızono; çı dinu vero
Unca ki; yé ma, boyna derdé sari dero
Coru néfıkrino, çı fél wayiré bari vero
Mezal ve ho nédano ke, nae famkero
Hawuré cı vo, halo ke, ve ho tedero
Beğenilen: 0
